काठमाडौं । नेपाली कांग्रेसका १५ औँ महाधिवेशनबाट सहमहामन्त्रीमा प्रकाश रसाईली स्नेही निर्वाचित भएका छन्। ४ हजार ८०३ मत ल्याएर स्नेही विजयी भएका हुन्।
उनका प्रतिस्पर्धी मानबहादुर नेपालीले ११ सय २० मत पाउँदा तेस्रो स्थानमा रहेका नरेन्द्र पासवनले ७ सय ७२ मत मात्रै पाए। स्नेही विशेष महाधिवेशनबाट पनि सहमहामन्त्री भएका थिए। उनी महाधिवेशनबाट सोही पदमा दोहोरिएका हुन्।
कांग्रेसको मतपरिणाम धमाधम आइरहेको छ। अझै अहिलेसम्म सहमहामन्त्री मुस्लिम, मधेसी, थारु, अल्पसङ्ख्यक अपाङ्गता र खसआर्यको नतिजा आएको छैन। यो महाधिवेशनबाट ११ सहमहामन्त्री निर्वाचित हुनेछन्।
