काठमाडौँ । परराष्ट्रमन्त्री शिशिर खानाल र नेपालका लागि इन्डोनेसियाकी नवनियुक्त गैरआवासीय राजदूत लिस्त्योवतीबीच भेटवार्ता भएको छ।
परराष्ट्र मन्त्रालयमा आज भएको भेटमा मन्त्री खानालले राजदूत लिस्त्योवतीलाई नियुक्तिका लागि बधाई दिँदै सफल कार्यकालको शुभकामना व्यक्त गरेका थिए ।
भेटमा नेपाल र इन्डोनेसियाबीचको द्विपक्षीय सम्बन्ध तथा सहकार्यलाई थप सुदृढ बनाउने विषयमा पनि विचार आदानप्रदान भएको थियो ।
