काठमाडौं । आज नेपाल स्टक एक्सचेन्ज (नेप्से) परिसूचक सामान्य अंकले घटेको छ । यसदिन नेप्से परिसूचक ०.२६ अंकले घटेर २ हजार ६ सय २२.२२ को बिन्दुमा आएको छ । आज कारोबारमा आएका १ सय १० कम्पनीको सेयर मूल्य बढेको छ भने १ सय ५० कम्पनीको घटेको छ ।
बुधबार नेप्से परिसूचकसँगै कारोबार रकम पनि घटेको छ । आज ३ अर्ब २९ करोड ८० लाख १९ हजार रुपैयाँभन्दा धेरैको सेयर कारोबार भएको छ । मंगलबार ५ अर्ब ७ करोड ३५ लाख १८ हजार रुपैयाँभन्दा धेरैको सेयर किनबेच भएको थियो ।
आज सबैभन्दा धेरै कमाउनेमा सर्वोत्तम पेन्ट्स र माउन्ट एभरेष्ट पावरका लगानीकर्ताहरु रहेका छन् । यी दुवै कम्पनीको सेयरमा सकारात्मक सर्किट लागेको छ । आज सबैभन्दा धेरै गुमाउनेमा मनकामना इन्जिनियरिङ्ग हाइड्रोपावरका लगानीकर्ता रहेका छन् । यस कम्पनीको सेयर मूल्य ८.४५ प्रतिशतले घटेको छ ।
