काठमाडौं- लगातारको गिरावटपछि यो साता सेयर बजारमा सुधार देखिएको छ। साताको अन्तिम कारोबार दिन आज नेप्से परिसूचक ७९.७४ अंक अर्थात् २.९० प्रतिशतले वृद्धि भइ २६७७.५४ विन्दुमा पुगेको छ।
बजारमा वृद्धि देखिए पनि सेयर कारोबार रकम भने अझै अपेक्षाकृत रूपमा सुस्त नै रहेको छ।
आज नेप्सेमा २ सय ५९ कम्पनीको सेयर मूल्य बढेको छ। त्यसैगरी १३ कम्पनीको सेयर मूल्य घटेको छ। आज ३ सय ३५ कम्पनीको १ करोड ३ लाख ८९ हजार ७७ कित्ता सेयर ५८ हजार ९५ पटक किनबेच भएको छ।
आज ४ अर्ब ५७ करोड ५० लाख ९४ हजार ७ सय २३ रूपैयाँको कारोबार भएको छ। हिजो ४ अर्ब ५६ करोड २९ लाख ५० हजार ७ सय रूपैयाँको रूपैयाँको कारोबार भएको थियो।
श्रीनगर एग्रिटेक इन्डस्ट्रिज लिमिटेडको सेयर १५ प्रतिशत र सूर्यकुण्ड हाइड्रो इलेक्ट्रिक लिमिटेड सबैभन्दा धेरै १४.८३ प्रतिशत बढेको छ। आत्मनिर्भर लघुवित्त वित्तीय संस्था लिमिटेड धेरै १५ प्रतिशत घटेको छ।
