काठमाडौं । साताको दोस्रो कारोबार दिन ‘मंगलबार’ नेपाल स्टक एक्सचेन्ज (नेप्से) परिसुचक दोहोरो अंकले बढेको छ । पछिल्लो समय लगातार घटिरहेको नेप्से मंगलबार भने केन्द्रिय बैंकले मौद्रिक नीति सार्वजनिक गर्ने भएसँगै उकालो लागेको हो ।
कारोबार समयको सुरुवातदेखि उत्तारचढाव भईरहेको नेप्से अन्तिम समयमा २४.५७ अंकले बढ्दै २६ सय ५१ को विन्दुमा पुगेर रोकिएको हो । आज कुल ३ सय ५२ कम्पनीका ९५ लाख १९ हजार बढी कित्ता सेयर किनबेच हुँदा कारोबार रकम ४ अर्ब ४० करोड रुपैयाँ नाघेको छ । यो अघिल्लो दिन सोमबारको तुलनामा बढी हो ।
यस्तै आज कारोबारमा आएकामध्ये २ सय १० कम्पनीको सेयरमूल्य उकालो लाग्दा ५७ कम्पनीको सेयरमूल्य घटेको छ । आज कारोबारमा आएकामध्ये सबै समुहको परिसुचक उकालो लाग्दा कालंगा जलविद्युत आयोजनाको सेयरमूल्यमा सकारात्मक सर्किट लागेको छ ।
