काठमाडौं । साताको पहिलो कारोबार दिन ‘सोमबार’ नेपाल स्टक एक्सचेन्ज (नेप्से) परिसुचक दोहोरो अंकले घटेको छ । कारोबार समयको सुरुवातदेखि उकालो लागिरहेको नेप्से अन्तिम समयमा २६.२९ अंकले घट्दै २६ सय २७ को विन्दुमा झरेर बन्द भएको हो ।
आज कुल ३ सय ५६ कम्पनीका ७५ लाख ४० हजार ४ सय १८ कित्ता सेयर किनबेच हुँदा कारोबार रकम ३ अर्ब ५५ करोड ७९ लाख रुपैयाँमा सीमित भएको छ ।
आज कारोबारमा आएकामध्ये सबै समुहको परिसुचक ओरालो लाग्दा २ सय ३९ कम्पनीको सेयरमूल्य घटेको छ । आज कारोबारमा आएकामध्ये ३४ कम्पनीको सेयरमुल्यमा वृद्धि देखिएको छ । जसमध्ये पनि ३ कम्पनीको सेयरमूल्यमा सकारात्मक सर्किट लागेको छ ।
