काठमाडौं । मंगलबार नेपाल स्टक एक्सचेन्ज (नेप्से) परिसूचकमा दोहोरो अंकको गिरावट आएको छ । यसदिन नेप्से परिसूचक २४.६३ अंकले घटेर २ हजार ६ सय ८.३३ को बिन्दुमा आएको छ । आज कारोबारमा आएकामध्ये ३५ कम्पनीको सेयर मूल्य बढेको छ भने २ सय ३५ कम्पनीको घटेको छ ।
मंगलबार नेप्से परिसूचक घटेपनि कारोबार रकम भने बढेको छ । यसदिन ३ अर्ब २५ करोड ८७ हजार ५८ हजार रुपैयाँ बराबरको सेयर कारोबार भएको छ । सोमबार २ अर्ब ६७ करोड १८ लाख ३२ हजार रुपैयाँभन्दा धेरैको कारोबार भएको थियो ।
आज सबैभन्दा धेरै कमाउनेमा स्नो रिभर्सका लगानीकर्ता रहेका छन् । यो कम्पनीको सेयर मूल्यमा सकारात्मक सर्किट लागेको छ । यता, सबैभन्दा धेरै गुमाउनेमा टक्सार पिखुवा खोला हाइड्रोपावरका लगानीकर्ता रहेका छन् । यो कम्पनीको सेयर भाउ १४.०३ प्रतिशतले घटेको छ ।
