काठमाडौं । पूर्वी नेपालको पर्यटन तथा आतिथ्य क्षेत्रमा नयाँ पहिचान बनाएको विराटनगरस्थित पाँचतारे होटल ‘शुभ इन्टरनेशनल हस्पिटालिटी लिमिटेड’ ले सर्वसाधारणका लागि साधारण शेयर (आईपीओ) निष्काशन गर्ने भएको छ ।
कम्पनीले आफ्नो जारी पूँजीको २० प्रतिशत शेयर सर्वसाधारणमा जारी गर्न लागेको हो ।
शेयर निष्काशन तथा बिक्री व्यवस्थापनका लागि शुभ इन्टरनेशनलले मुक्तिनाथ क्यापिटल लिमिटेडलाई धितोपत्र निष्काशन तथा बिक्री प्रबन्धकको रूपमा नियुक्त गरेको छ ।
यससम्बन्धी सम्झौतापत्रमा शुभ इन्टरनेशनल हस्पिटालिटी लिमिटेडका अध्यक्ष कविन श्रेष्ठ र मुक्तिनाथ क्यापिटल लिमिटेडका प्रमुख कार्यकारी अधिकृत (सीईओ) कविन्द्र ध्वज जोशीले हस्ताक्षर गरेका छन् । उक्त हस्ताक्षर सञ्चालन कार्यक्रममा कम्पनीका प्रतिनिधि विकास चौधरी तथा सञ्चालक प्रशान्त तातेडको समेत उपस्थिति रहेको थियो ।
