काठमाडौं । धितोपत्र दोस्रो बजार मापक नेप्से परिसूचक ६२.२९ अंकले बढेको छ । मंगलबार नेप्से परिसूचक २.४८ प्रतिशतले बढेर २,५७१.३४ विन्दुमा बन्द भएको हो ।
गत आइतबारको तुलनामा कारोबार रकम एक अर्ब ९१ करोड रुपैयाँले बढेको छ । आज चार अर्ब ५७ करोड ३९ लाख रुपैयाँको सेयर खरिदबिक्री भएको छ । गत आइतबार दुई अर्ब ६६ करोड १३ लाख रुपैयाँको सेयर खरिदबिक्री भएको थियो ।
आज २३६ कम्पनीको सेयरमूल्य बढेको छ । यस्तै, १२ कम्पनीको सेयरमूल्य घटेको छ । इन्फिनिटी लघुवित्त वित्तीय संस्था र पिपुल्स हाइड्रोपावर कम्पनीको सेयरमूल्य स्थिर छ ।
आज पाँच कम्पनीको सेयरमूल्य ९ प्रतिशतभन्दा बढीले वृद्धि भएको छ । हिमालयन पावर पार्टनरको सेयरमूल्य ६.३६ प्रतिशतले घटेको छ । यस कम्पनीको आज सर्वाधिक मूल्यको सेयर खरिदबिक्री भएको छ । आज यस कम्पनीको २४ करोड ९४ रुपैयाँको सेयर खरिदबिक्री भएको छ ।
आज व्यापार समूहको परिसूचक ०.७६ प्रतिशतले घटेको छ । बाँकी समूहको परिसूचक घटेको छ । परिसूचक सर्वाधिक बढ्नेमा विकास बैंक समूह छ । यस समूहको परिसूचक ४.४२ प्रतिशतले बढेको छ ।
