काठमाडौं, ३० साउन । अभिनेता अक्षय कुमारले भारतीय नागरिकता पाएका छन् । उनले आफ्नो ट्वीटरमा भारतीय नागरिकता प्रमाणपत्रको तस्वीर साझा गर्दै यसबारे जानकारी दिएका हुन् ।
अक्षय कुमारले यो तस्वीरसँग लेखेका छन्, ‘मन र नागरिकता दुवै हिन्दुस्तानी । स्वतन्त्रता दिवसको शुभकामना ।’अक्षय कुमार अहिलेसम्म क्यानडाको नागरिक थिए । सामाजिक सञ्जालमा धेरै प्रयोगकर्ताहरूले अक्षय कुमारको नागरिकतामाथि प्रश्न उठाइरहेका थिए । हालै उनले एक अन्तर्वार्तामा आफूले भारतीय नागरिकताका लागि आवेदन दिएको र चाँडै नै यसबारे थप जानकारी दिने बताएका थिए ।
