काठमाडौं : बजाज पल्सरले नेपाल प्रिमियर लिग (एनपिएल) सँगको आफ्नो साझेदारीलाई थप विस्तार गर्दै आगामी तीन सिजनका लागि सह-प्रायोजन सम्झौता गरेको छ। नेपाली क्रिकेटप्रतिको आफ्नो साथ र प्रतिबद्धतालाई निरन्तरता दिँदै बजाज पल्सर अब एनपिएलको तेस्रो, चौथो र पाँचौँ सिजनमा सह-प्रायोजकका रूपमा जोडिनेछ। यसअघि दोस्रो सिजनमा आधिकारिक दुईपाङ्ग्रे सवारीसाधन साझेदार रहेको बजाज पल्सरको यो विस्तारित सहकार्यले नेपाली क्रिकेटको बढ्दो लोकप्रियतासँगै नयाँ पुस्ताका खेलाडी र क्रिकेटप्रेमीसँग जोडिने यात्रालाई थप अघि बढाउनेछ।
तीन सिजनसम्म रहने यस साझेदारीले परम्परागत प्रायोजनभन्दा माथि उठ्दै नेपाली क्रिकेटसँग दीर्घकालीन सम्बन्ध स्थापित गर्ने र खेलको निरन्तर विकासमा योगदान पुर्याउने लक्ष्य राखेको कम्पनीले जनाएको छ। एनपिएलमार्फत बजाज पल्सरले नेपाली क्रिकेटको प्रतिस्पर्धात्मक भावना, जोश र उत्साहसँग जोडिँदै खेलाडी, समर्थक तथा नयाँ पुस्ताका खेलप्रेमीसँगको सम्बन्धलाई थप सुदृढ बनाउने अपेक्षा गरेको छ।
नेपालमा क्रिकेटप्रतिको बढ्दो आकर्षणले खेलाडी र समर्थकलाई आफ्नो प्रतिभा, उत्साह र खेलप्रतिको लगाव प्रस्तुत गर्ने साझा मञ्च प्रदान गरेको छ। यसै सन्दर्भमा बजाज पल्सर र एनपिएलबीचको सहकार्यले क्रिकेटप्रेमीहरूलाई जोड्नुका साथै नयाँ पुस्तालाई खेलसँग नजिक हुन प्रेरित गर्ने विश्वास कम्पनीले लिएको छ।
बजाज पल्सरको पहिचान शक्ति, उत्कृष्ट प्रदर्शन, महत्त्वाकांक्षा र साहससँग जोडिएको छ। नेपाली क्रिकेटले पनि आफ्नो प्रतिस्पर्धात्मक भावना, समर्पण र निरन्तर प्रगतिमार्फत नयाँ उचाइ हासिल गर्ने यात्रा अघि बढाइरहेको छ। यी साझा मूल्य र भावनाले दुवै पक्षबीचको साझेदारीलाई थप अर्थपूर्ण बनाउँदै नेपाली क्रिकेटको विकाससँगै अघि बढ्ने अवसर प्रदान गर्ने अपेक्षा गरिएको छ।
आधिकारिक दुईपाङ्ग्रे सवारीसाधन साझेदारबाट सह(प्रायोजकका रूपमा अघि बढेको यो सहकार्यसँगै बजाज पल्सरले एनपिएलका आगामी तीन सिजनमा नेपाली क्रिकेटसँगको आफ्नो सम्बन्धलाई निरन्तरता दिनेछ। यस साझेदारीमार्फत कम्पनीले खेलकुदप्रतिको उत्साहलाई प्रोत्साहन गर्ने, नयाँ पुस्ताका खेलाडी तथा समर्थकसँग जोडिने र नेपाली क्रिकेटको निरन्तर विकासमा योगदान पुर्याउने प्रतिबद्धता व्यक्त गरेको छ।
एनपिएलका सिजन ३, ४ र ५ अन्तर्गत हुने आगामी घोषणा, अभियान तथा विभिन्न गतिविधिबारे जानकारी पल्सर नेपालको आधिकारिक सञ्चार माध्यममार्फत प्राप्त गर्न सकिनेछ।
