काठमाडौं । सिंगटी हाइड्रो इनर्जीले हकप्रद सेयर निष्कासनका लागि मुक्तिनाथ क्यापिटल लिमिटेडलाई बिक्री प्रबन्धक नियुक्त गरेको छ । कम्पनीले सेयरधनीका लागि १ः१ को अनुपातमा (शतप्रतिशत)हकप्रद सेयर निष्कासन गर्न लागेको हो ।
सो सम्बन्धी सम्झौतापत्रमा सिंगटी हाइड्रो इनर्जीका प्रबन्ध सञ्चालक सुदिप खड्का र मुक्तिनाथ क्यापिटलका प्रमुख कार्यकारी अधिकृत कविन्द्रध्वज जोशीले हस्ताक्षर गरेका छन ।
कम्पनीको १६औंँ वार्षिक साधारणसभाले चुक्ता पुँजीको १ः१ को अनुपातमा हकप्रद सेयर जारी गर्ने प्रस्ताव पारित गरेको थियो । सोहीअनुसार कम्पनीले सय रुपैयाँ अंकित दरका कुल तीन करोड चार लाख ५० हजार कित्ता हकप्रद साधारण सेयर निष्कासन गर्न लागेको हो ।
