काठमाडौं — चालु आर्थिक वर्ष २०८२/८३ को पहिलो त्रैमास (साउन–असोज) मा विप्रेषण आप्रवाह ३५.४ प्रतिशतले बढेको छ । नेपाल राष्ट्र बैंकको तथ्यांकअनुसार यो अवधिमा कुल ५ खर्ब ५३ अर्ब ३१ करोड रुपैयाँ रेमिट्यान्स भित्रिएको छ ।
गत आर्थिक वर्षको सोही अवधिमा रेमिट्यान्स ११.९ प्रतिशतले मात्र बढेर ४ खर्ब ८ अर्ब ७७ करोड रुपैयाँ पुगेको थियो ।
महिनावारी विवरण हेर्ने हो भनेः
- साउनमा २९.९% ले बढेर १ खर्ब ७७ अर्ब ४१ करोड,
- भदौमा ३३.१% ले बढेर कुल संचित ३ खर्ब ५२ अर्ब ८ करोड रुपैयाँ रेमिट्यान्स भित्रिएको थियो ।
यसै अवधिमा चालु खाता २ खर्ब ३७ अर्ब ५९ करोड र शोधनान्तर स्थिति २ खर्ब ६४ अर्ब ३ करोड रुपैयाँले बचतमा रहेको छ । अघिल्लो वर्ष सोही अवधिमा यी आँकडा क्रमशः १ खर्ब १५ अर्ब ३६ करोड र १ खर्ब ८४ अर्ब ९९ करोड मात्र बचत थियो ।
यसबाहेकः
- कुल वस्तु निर्यात ८९.६% ले उल्लेख्य वृद्धि हुँदै ७२ अर्ब ७८ करोड पुगेको छ,
- वस्तु आयात १९.८% ले बढेर ४ खर्ब ६८ अर्ब ८ करोड कायम भएको छ,
- फलस्वरूप व्यापार घाटा १२.२% ले बढेर ३ खर्ब ९५ अर्ब ३० करोड रुपैयाँ पुगेको छ ।
