मंगलवार, साउन २० २०८२
काठमाडौँ । सिटी एक्सप्रेस मनि ट्रान्सफरका संस्थापक, ग्लोबल बिजिनेस तथा डायस्पोरा समितीका सभापति तथा नेपालका लागि केन्याका अवैतनिक वाणिज्यदूत चन्द्र टण्डन र पोर्चुगलस्थित नेपाली राजदूत प्रकाशमणि पौडेलबिच बिदेशी प्रत्यक्ष लगानी भित्र्याउन आवश्यक रणनीतिक छलफल भएको छ ।
साथै उत्पादनशील क्षेत्रहरू र प्रविधी स्थानन्तरणहरूमा रेमिटान्स लगानीलाई समर्थन गर्न औपचारिक नेटवर्कहरूको स्थापना गर्ने, साहसिक पर्यटन, सांस्कृतिक सम्पदा र अध्यात्मिक रिट्रिटहरूको लागि नेपाललाई शीर्ष गन्तव्यको रूपमा प्रवर्द्धन गर्ने बिषयमा छलफल भएको छ ।
उक्त छलफल कार्यक्रममा पोर्चुगलमा रहेका नेपालीहरूका समस्या समाधानका लागि आफु लागि परेको र नेपाली आप्रवासीहरूको कल्याण र अधिकार सुनिश्चित गर्ने कार्य राजदूत पौडेलले बताए । साथै उनले पोर्चुगलमा नेपाली उत्पादनहरूको प्रवर्द्धन गर्ने प्रभावकारी योजना बनिरहेको समेत जानकारी दिए ।
भेटमा पोर्चुगलमा रहेको नेपाली मिसन र सीएनआई बीचको संस्थागत सम्बन्धको बारेमा पनि छलफल भएको थियो ।
