काठमाडौँ , असार ७ । नेपाली स्टार अलराउन्डर दीपेन्द्रसिंह ऐरीले यूएईको इन्टरनेसनल लिग (आईएल टी २०) खेल्ने भएका छन् । उनले सो लिगको गल्फ जायन्टबाट खेल्ने भएका हुन् ।
सो फेन्चाइज क्लबले शुक्रबार दीपेन्द्रसहितको टिम तस्वीर सार्वजनिक गरेको छ । दीपेन्द्रले यसअघि पनि सोही क्लबबाट यो लिग खेलेका थिए । दीपेन्द्रलाई सो क्लबले रिटेन्ड गरेको छ ।
दीपेन्द्रले हालै विश्वकप क्रिकेट प्रतियोगितामा गरेको प्रदर्शनले उनको आईसीसी वरीयतामा समेत सुधार भएको छ । दीपेन्द्र आईसीसीको टी २० अलराउन्डर वरीयतामा ६ औँ स्थानमा छन् ।
