काठमाडौं । जापानको नागोयामा जारी २०औँ एसियाली खेलकुदमा नेपालले पहिलो पदक हात पारेको छ। करातेका तेन्जिङ शेर्पाले नेपालका लागि कांस्य पदक जितेका हुन्।
बुधबार भएको पुरुष कुमिते ८४ केजीभन्दा माथिको तौल समूहअन्तर्गतको प्रतिस्पर्धामा तेन्जिङले कांस्य पदक सुरक्षित गरे।
सेमिफाइनलमा इरानका महमुद नेमातीसँग ५–० ले पराजित भएपछि रेपिचेजमार्फत कांस्यका लागि प्रतिस्पर्धा गरेका तेन्जिङले लाओसका वात्थाना जायासनलाई ९–१ को प्रभावशाली अन्तरले पराजित गर्दै पदक जितेका हुन्।
यसअघि करातेबाट पदकको आशा गरिएका नेपाली खेलाडीहरूले अपेक्षित सफलता हात पार्न सकेका थिएनन्। तेन्जिङको पदकसँगै नेपालले प्रतियोगितामा पहिलोपटक पदकको खाता खोलेको छ।
