काठमाडौँ, जेठ २१ । अर्ना वियरले टी-२० विश्वकप खेल्ने नेपाली खेलाडीका लागि नगद पुरस्कार घोषणा गरेको छ । अर्ना वियरले टी–२० विश्वकपमा नेपालका खेलाडीले बनाउने प्रत्येक रनको १ हजार रुपैयाँ दिने घोषणा गरेको छ ।

यस्तै चौकाको थप १० हजार र छक्काको थप २० हजार रुपैयाँ दिने घोषणा गरेको हो ।

कम्पनीले घोषणा गरेको उपहार योजना यसप्रकार छ:

हरेक रनमा = रु.१,०००

हरेक चौकामा = रु.१०,००० (हरेक रनमा अतिरिक्त)

हरेक छक्कामा = रु.२०,००० (हरेक रनमा अतिरिक्त)

हरेक डट बलमा = रु.१,५०० (विकेट तथा अतिरिक्त रन समावेश गरिने छैन)

हरेक मेडेन ओभरमा = रु.२०,००० (ओभरमा कुनै पनि रन स्कोर नभएको)

हरेक विकेट लिएमा = रु.२०,०००

हरेक म्याचमा जित्ने कूल रकम खेलाडीहरुबीच बाडिने कम्पनीले जनाएको छ । उक्त रकम बराबरको अर्कौ रकम टीम नेपालको तर्फबाट ARNA ले क्रिकेटको पूर्वाधार विकासको लागि उपलब्ध गराउने उल्लेख गरेको छ ।

कम्पनीले विगतका खेलहरुमा पनि यसप्रकारले उपहार घोषणा गर्दै आएको छ ।