काठमाडौँ, ५ पुस । स्पेनिस ला लिगा अन्तर्गत बार्सिलोनाले संघर्षपूर्ण जित हासिल गरेको छ । गएराती सम्पन्न खेलमा बार्सिलोनाले अल्मेरियालाई ३-२ को कठिन जित निकालेको हो ।
बार्सिलोनाको लागि सेर्गी रोबेर्टोले २ गोल गरेका थिए भने राफिन्हाले एक गोल गरेका थिए । त्यसैगरी अल्मेरियाका लागि लिओ बाप्टिसटाओ र एडगार गोन्जालेजले एक एक गोल गरेका थिए ।
यो जितपछि बार्सिलोनाको १८ खेलमा ३८ अंक भएको छ र लिगमा तेस्रो स्थानमा उक्लिएको छ ।
त्यस्तै अल्मेरियाको भने यो यस सिजनमा १३औं हार हो । यो हारपछि अल्मेरियाको १८ खेलमा ५ अंक रहेको छ र लिगको पुछारमा रहेको छ ।
