कलाकार हरिवंश आचार्यले चेलबेटी बेचबिखनसम्बन्धी नयाँ गीत ल्याएका छन्। हरिवंशको स्वरमा ‘हिड माया हिड’ बोलको गीत सार्वजनिक भएको छ।
माइती नेपालको प्रस्तुतिमा बनेको गीतमा हरिवंशकै शब्द र संगीत छ भने स्वरमा उनलाई गायिका स्मिता दाहालले साथ दिएकी छन्। साहस शाक्यको एरेन्ज रहेको गीतलाई श्यामश्वेत रसाइलीको मिक्सिङ गरेका हुन्। चेलीबेटी बेचबिखनको कथा गीतमा समेटिएको हरिवंशले बताए। यो समस्या समाधान नभएसम्म यस विषयमा निरन्तर जनचेतनामूलक गीत गाइरहने उनको भनाइ छ।
गीतको भिडिओमा हरिवंशसँगै कलाकारहरु प्रियंका कार्की, कविता न्यौपाने, बालकृष्ण ओलीलगायतले अभिनय गरेका छन्।
