एक्शन, क्राइम, इन्टिमेसी, इमोशन र रोमान्स लगायतका मनोरञ्जनात्मक मसालाले भरिएको ‘एनिमल’ ले रिलिजको पहिलो दिनदेखि नै बक्स अफिसमा धुम मच्चाइरहेको छ । फिल्मले दर्शकको राम्रो प्रतिक्रिया पाएको छ र रिलिज भएको १० दिन बितिसक्दा पनि यो रोकिएको छैन । ‘एनिमल’ ले रिलिजको पहिलो हप्तामा ३३७.५८ करोडको ठूलो कलेक्सन गरेको थियो । फिल्मले दोस्रो हप्तामा पनि राम्रो व्यापार गरिरहेको छ ।
‘एनिमल’ लाई सन्दीप रेड्डी वांगाले निर्देशन गरेका हुन् । फिल्ममा रणवीर कपुरका अलावा रश्मिका मन्डन्ना, बबी देओल, अनिल कपुर र तृप्ति डिमरीको पनि महत्वपूर्ण भूमिका छ । यो फिल्म डिसेम्बर १ मा हलमा रिलिज भएको थियो ।
फिल्मले दोस्रो शुक्रबार २२.९५ करोड कमाएको थियो भने दोस्रो शनिबार फिल्मको कमाई ५१.३७ प्रतिशतले बढेको थियो भने ‘एनिमल’ले ३४.७४ करोड कमाएको थियो । अब फिल्म रिलिजको दशौं दिन अर्थात् दोस्रो आइतबारको कमाईको प्रारम्भिक तथ्यांक आएको छ ।
सकनिल्कको प्रारम्भिक ट्रेन्ड रिपोर्ट अनुसार ‘एनिमल’ ले रिलिजको १० औं दिन अर्थात् दोस्रो आइतबार ३७ करोड कमाएको छ । योसँगै एनिमलको रिलिजको १० दिनको कमाई ४२७ करोड पुगेको छ । र, ‘एनिमल’ दशौं दिनमा सबैभन्दा धेरै कमाउने दोस्रो फिल्म बनेको छ । ‘एनिमल’ ले रिलिजको १० औं दिनमा ३७ करोड भारु कलेक्सन गरेको छ ।
योसँगै यो फिल्म दशौं दिनमा सबैभन्दा बढी कलेक्सन गर्ने दोस्रो फिल्म बनेको छ । यो फिल्मले दशौं दिनको कमाईमा धेरै फिल्मलाई पछि पारेको छ । सकनिल्कको रिपोर्ट अनुसार दशौं दिनमा सबैभन्दा धेरै कलेक्शन गर्ने फिल्मको कीर्तिमान तोड्दै ‘एनिमल’ दोस्रो स्थानमा पुगेको हो।
