२४ मंसिर २०८०, आइतबार
काठमाडौं – अभिनेता आर्यन सिग्देल, प्रदीप खड्का र पल शाह एउटै फिल्ममा देखिने भएका छन् । दिनेश राउतले निर्देशन गर्न लागेको फिल्म ‘पुजार सार्की’मा तीन स्टार नायकहरु एकसाथ देखिन लागेका हुन् । नायिकाको टुंगो लाग्न बाँकी छ।
संगीतकार सुभाष भुषालले ‘पुजार सार्की’ चलचित्रको निर्माण गर्न लागेका हुन । उक्त चलचित्रको छायांकन आगामी माघको पहिलो हप्ताबाट सुरु हुने बताइएको छ ।
पछिल्लो समयका चर्चित कलाकारहरु एउटै फिल्ममा देखिने भएपछि यसले दर्शकमाझ चर्चा समेत बटुलेको छ ।
