२०८० असोज ३० मंगलबार
दोहा कतार । नेपाली गीतसङ्गीतमा हरेक दिन जसो नयाँ-नयाँ कलाकार तथा सिर्जनाहरु सार्बजनिक हुन्छ, अझ भनौ भने चाडपर्व बिशेष गीतहरु त प्रतिस्पर्धात्मक सैलीमै आउछ्न तर यतिबेला नेपाली सङ्गीतमा लामो समयदेखी निरन्तर काम गर्दै आएका पर्वत जिल्ला जलजला -०८ नागलिवाङका चर्चित एरेन्जर रमेश सेन्चुरीको आफ्नै शब्द, सङ्गीत, एरेन्ज र स्वरमा एउटा फरक भाव बोकेको दशै गीत "घर फर्क परदेशी" नामक गीत बजारमा आएको छ।
महिला अवाजमा सुनिता पन्तले साथ दिएकी छिन भने मिक्सिङ रमेश आफैले गरेका छन । सुर ताल रेकर्डिङ स्टुडियोमा रेकर्ड भएको गीतको भिडियोमा भने राम रसाइली र चक घर्तीको अभिनयलाई तिलक रोकाले निर्देशनको साथै छायांकन गरेका हुन ।यस अघि पनि थुप्रै सुपरहिट गीतहरुमा आफ्नो उत्कृष्ट एरेन्ज भरिसकेका रमेशले पछिल्लो समय एरेन्ज गरेका गीतहरु "रुनलाई त हो नि माया लाउनी, जिन्दगी यस्तै भो, कसो गरम म, मेरो लाउरे, ए साइला परेली भित्र" लगायत गीतहरु चर्चाको शिखरमा छ्न ।
बिगत १६ वर्ष देखि काठमाडौलाई कर्मथलो बनाउदै आएका सेन्चुरीको डिल्ली बजारमा आफ्नै "सुरताल डिजिटल रेकर्डिङ स्टुडियो" पनि थियो । भिमबहादुर पौडेलले भिडियो सम्पादन गरेको घर फर्क परदेशी गीत SR Films Nepal युटुब च्यानलमा हेर्न सकिने छ ।
