२०८३, मंसिर ४ गते

images
Logo

Nov 20 2026 | २०८३, मंसिर ४ गते

images
  • शुक्रबार, मंसिर ४ २०८३

तरलता व्यवस्थापन गर्न राष्ट्र बैंकले २८ दिनका लागि २ खर्ब रुपैयाँ उठाउँदै


सञ्चार डबली
  • शुक्रबार, मंसिर ४ २०८३
  • 660
    SHARES

  • तरलता व्यवस्थापन गर्न राष्ट्र बैंकले २८ दिनका लागि २ खर्ब रुपैयाँ उठाउँदै

    काठमाडौं । नेपाल राष्ट्र बैंकले बैंकिङ प्रणालीबाट शुक्रवार २ खर्ब रुपैयाँ उठाउने भएको छ । राष्ट्र बैंकले तरलता व्यवस्थापन गर्न २८ दिनका निक्षेप संकलन गर्न गर्न लागेको हो ।

    राष्ट्र बैंकले आजै दिउँसो २ बजे बोलकबोलको समय तोकेको छ । बोल गर्न सकिने रकम घटिमा १० करोड रुपैयाँ र बढीमा १० करोड रुपैयाँले भाग गर्दा आउने निःशेष भाग जाने गरी कुल आह्वान रकमसम्म रहेको छ ।

    निक्षेप संकलनको बोलकबोलमा निक्षेपबापत जम्मा गर्न चाहेको रकम र ब्याजदर (दशमलब पछिको हकमा चार अंकसम्म) उल्लेख गर्नु पर्नेछ । सावाँ तथा ब्याज भुक्तानी आउँदो पुस ३ गते तोकिएको छ भने यसको ब्याजदर समेत बोलकबोलको माध्यमबाट हुनेछ ।

    राष्ट्र बैंकका अनुसार निक्षेप संकलनको बोलकबोल ब्याजदरमा गर्नुपर्नेछ । बहु ब्याजदरमा पनि बहुबोलकबोल गर्न सकिनेछ । निक्षेप संकलन उपकरणको बोलकबोलमा नेपाल राष्ट्र बैंकबाट इजाजतपत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्थामात्र सहभागी हुन पाउने छन् ।

    प्रतिक्रिया दिनुहोस

    images
    logo
    सामाजिक संजाल
  • © copyright 2014-2022 and all right reserved to Sanchar Dabali   |   Site By : SobizTrend