२०८३, मंसिर ३ गते

images
Logo

Nov 19 2026 | २०८३, मंसिर ३ गते

images
  • बिहीबार , मंसिर ३ २०८३

एनपीएल प्लेअफ समीकरण पूरा: पहिलो क्वालिफायरमा लुम्बिनी र सुदूरपश्चिम भिड्ने


सञ्चार डबली
  • सोमबार, कात्तिक ३० २०८३
  • 1.7K
    SHARES

  • एनपीएल प्लेअफ समीकरण पूरा: पहिलो क्वालिफायरमा लुम्बिनी र सुदूरपश्चिम भिड्ने

    काठमाडौँ । नेपाल प्रिमियर लिग (एनपीएल) को तेस्रो संस्करणअन्तर्गत लिग चरणका सबै २८ खेल सकिएसँगै प्लेअफको समीकरण पूरा भएको छ ।

    आइतबार भएको लिग चरणको अन्तिम खेलमा पोखरा एभेन्जर्सले काठमान्डु गोर्खाजलाई ५५ रनले पराजित गरेपछि प्लेअफको खेल तालिका तय भएको हो । अब पहिलो क्वालिफायरमा साविक विजेता लुम्बिनी लायन्स र सुदूरपश्चिम रोएल्सबीच प्रतिस्पर्धा हुनेछ । यस्तै, एलिमिनेटरमा काठमान्डु गोर्खाजले चितवन राइनोजको सामना गर्नेछ ।

    लिग चरणमा ११ अंक जोडेको लुम्बिनी पहिलो स्थानमा रहँदै पहिलो क्वालिफायरमा पुगेको हो । १० अंकसहित सुदूरपश्चिम दोस्रो स्थानमा रह्यो । त्यस्तै, ८ अंक जोडेको काठमान्डु तेस्रो र चितवन चौथो स्थानमा रहे । काठमान्डुलाई शीर्ष दुईमा रहन अन्तिम खेल जित्नैपर्ने दबाब थियो । तर, यसअघि नै प्लेअफ होडबाट बाहिरिसकेको पोखरासँग पराजित भएपछि काठमान्डुले तेस्रो स्थानमा चित्त बुझाउनुपरेको हो ।

    पहिलो क्वालिफायर मंगलबार हुनेछ । उक्त खेलको विजेता सिधै फाइनलमा पुग्नेछ भने पराजित हुने टोलीले फाइनल प्रवेशका लागि दोस्रो क्वालिफायरमा एलिमिनेटरको विजेतासँग प्रतिस्पर्धा गर्नेछ ।

    एलिमिनेटरमा पराजित हुने टोली भने प्रतियोगिताबाट बाहिरिनेछ ।

    प्रतिक्रिया दिनुहोस

    images
    logo
    सामाजिक संजाल
  • © copyright 2014-2022 and all right reserved to Sanchar Dabali   |   Site By : SobizTrend