एनएमबी बैंक लिमिटेडले अन्तर्राष्ट्रिय रकम स्थानान्तरण सेवा विस्तार गर्न भिसा (Visa) सँग भिसा डाइरेक्ट टु अकाउन्ट (Visa Direct to Account) सेवाका लागि सम्झौता गरेको छ ।
भिसाको यो प्रविधि विश्वका १९५ भन्दा बढी देश तथा क्षेत्रमा सफलतापूर्वक सञ्चालनमा आइसकेको छ ।
सम्झौतापछि एनएमबी बैंकका ग्राहकले विदेशबाट रकम पठाउन नयाँ र सहज विकल्प प्राप्त गर्नेछन् । यो प्रविधिको प्रयोग गरी ग्राहकले झन्झटबिना थप भरपर्दो र सुरक्षित रूपमा रकम स्थानान्तरण गर्न सक्नेछन् ।
एनएमबी बैंकले हाल देशभरका १९७ शाखा, १७६ एटीएम र ९ एक्सटेन्सन काउन्टरमार्फत उच्चस्तरीय बैंकिङ सेवा प्रदान गर्दै आएको छ ।
