काठमाडौँ / माछापुच्छ्रे बैंक लिमिटेडले आर्थिक वर्ष २०८२/८३ को चौथो त्रैमासिकसम्मको अपरिष्कृत वित्तीय विवरण सार्वजनिक गरेको छ। विवरणअनुसार बैंकको खुद नाफा गत वर्षको तुलनामा १२.२४ प्रतिशतले वृद्धि भएको छ।

बैंकले गत आर्थिक वर्षको अन्त्यसम्ममा २ अर्ब ११ करोड ४१ लाख रुपैयाँ खुद नाफा आर्जन गरेको छ। अघिल्लो वर्षको सोही अवधिमा बैंकको खुद नाफा १ अर्ब ८८ करोड ३६ लाख रुपैयाँ थियो।

बैंकको आम्दानीको मुख्य स्रोत खुद ब्याज आम्दानी ५.५३ प्रतिशतले बढेर ६ अर्ब ७ करोड ४९ लाख रुपैयाँ पुगेको छ। त्यसैगरी, खुद शुल्क तथा कमिसन आम्दानीमा २३.३८ प्रतिशतको वृद्धि भएको छ।

त्यस्तै, बैंकको व्यवसायको आकारमा समेत उल्लेख्य वृद्धि भएको छ। ग्राहक निक्षेप १९.७२ प्रतिशतले बढेर २ खर्ब २० अर्ब ४९ करोड ८४ लाख रुपैयाँ पुगेको छ भने कर्जा प्रवाह १५.९५ प्रतिशतले वृद्धि भई १ खर्ब ६३ अर्ब ९९ करोड १२ लाख रुपैयाँ पुगेको छ।

समीक्षा अवधिमा वितरणयोग्य मुनाफा  ९८ करोड १९ लाख ६१ हजार रुपैयाँ पुगेकाे छ भने चुक्ता पुँजी २९.८१ प्रतिशतले वृद्धि भई १५ अर्ब ८ करोड ६२ लाख रुपैयाँ कायम भएको छ।

बैंकको प्रतिशेयर आम्दानी १७.४९ रुपैयाँ पुगेको छ भने प्रति शेयर नेटवर्थ १६९.९० रुपैयाँ रहेको छ। बैंकको खराब कर्जा सामान्य बढेर ३.९८ प्रतिशत पुगेको छ।

त्यस्तै, बैंकको आधार दर ६.३० प्रतिशतबाट घटेर ५.०४ प्रतिशतमा झरेको छ। यसले कर्जाको ब्याजदर सस्तो भएको संकेत गर्दछ।

                                                                                                                                   रु. हजारमा

                                                                                                         स्राेत : सम्बन्धित बैंककाे वित्तीय विवरण