काठमाडौं । प्रधानमन्त्री बालेन्द्र शाहले भारतको ८०औँ स्वतन्त्रता दिवसका अवसरमा समकक्षी नरेन्द्र मोदी, भारतीय जनता तथा सरकारलाई शुभकामना व्यक्त गरेका छन् ।
प्रधानमन्त्री शाहले शनिबार सामाजिक सञ्जालमार्फत शुभकामना सन्देश जारी गरेका हुन् । उनले नेपाल र भारतबिचको गहिरो ऐतिहासिक सम्बन्ध, प्रगाढ जनस्तरको नाता तथा द्विपक्षीय सहयोग आगामी वर्षहरूमा अझ सुदृढ हुँदै जाने विश्वास व्यक्त गरेका छन् ।
भारतको ८०औँ स्वतन्त्रता दिवसका अवसरमा प्रधानमन्त्री मोदी, मित्रवत् भारतीय जनता तथा सरकारप्रति हार्दिक बधाई एवम् शुभकामना व्यक्त गर्दै नेपाल र भारतबिचको सम्बन्ध अझ बलियो बन्दै जाओस् भन्ने कामना गरे ।
