काठमाडौं । ग्लोबल नेपाली फिल्म अवार्ड पहिलोपटक अस्ट्रेलियाको सिड्नीमा हुने भएको छ । १७ डिसेम्बर २०२६ मा ग्लोबल नेपाली फिल्म अर्वाडको नवौँ संस्करण सिड्नीस्थित टाउनहलमा आयोजना हुने भएको हो ।
नेपाल फिल्म सोसाइटी, ग्लोबल नेपाली फिल्म अवार्ड एलएलसी र भारा इन्टरटेनमेन्ट अस्ट्रेलियाबीच औपचारिक सम्झौता भएको छ ।
सम्झौतामा नेपाल फिल्म सोसाइटी तथा ग्लोबल नेपाली फिल्म अवार्ड एलएलसीका प्रतिनिधि एवं संयोजक सञ्जय खतिवडा र भारा इन्टरटेनमेन्ट अस्ट्रेलियाका संस्थापक तथा आयोजक अरुण श्रेष्ठले हस्ताक्षर गरेका छन् ।
नेपाल फिल्म सोसाइटीका अध्यक्ष कृष्ण मल्ल भर्चुअल माध्यमबाट कार्यक्रममा सहभागी भएका थिए । उनले सिड्नीमा आयोजना हुन लागेको नवौँ संस्करणले ग्लोबल नेपाली फिल्म अवार्डको इतिहासमा नयाँ अध्याय थप्ने विश्वास गरे ।
