काठमाडौं । नेपाली कांग्रेसका वरिष्ठ नेता गोपालमान श्रेष्ठको निधन भएको छ । कांग्रेस नेता एवं गण्डकी प्रदेशका पूर्वमन्त्री मेखलाल श्रेष्ठले गोपालमानको निधन भएको पुष्टि गरे ।
सामाजिक सञ्जालमा लेख्दै मेखलालले उपचारको क्रममा ललितपुरको हेलियस अस्पतालमा निधन भएको र भोलि अन्त्येष्टि गरिने बताए । उनका अनुसार बुधबार बिहान ८ बजे श्रद्धाञ्जलीका लागि उनको पार्थिव शरिर पार्टी कार्यालय सानेपामा राखिनेछ ।
स्वास्थ्यमा समस्या आएपछि केही समयदेखि गोपालमान उपचाररत रहेका थिए । पूर्व उपप्रधानमन्त्री एवं कांग्रेसका पूर्व उपसभापति समेत भइसकेका श्रेष्ठको ८३ वर्षको उमेरमा निधन भएको हो । उनलाई केही दिनअघि मात्र कांग्रेसको वरिष्ठ नेता बनाइएको थियो ।
