काठमाडौं । कोलकाता नाइट राइडर्सलाई ६५ रनले पराजित गर्दै सनराइजर्स हैदराबादले इन्डियन प्रिमियर लिग (आईपीएल) २०२६ मा पहिलो जित दर्ता गरेको छ । यो जितसँगै सनराइजर्सले दुई खेलबाट तालिकामा पहिलो दुई अंक जोड्यो । सनराइजर्सले यसअघि सम्पन्न पहिलो खेलमा साविक विजेता रोयल च्यालेन्जर्स बैंगलुरुसँग ६ विकेटको हार व्यहोरेको थियो ।
बिहीबार कोलकातास्थित इडेन गार्डेन क्रिकेट रंगशालामा सनराइजर्सले प्रस्तुत गरेको २२७ रनको लक्ष्य पछ्याएको कोलकाताले १६ ओभरमा सबै विकेट गुमाएर १६१ रन मात्र जोड्न सक्यो ।
कोलकातालाई सस्तैमा रोक्न सनराइजर्सका जयदेव उनाड्कटले सर्वाधिक तीन विकेट लिए । तीन ओभर बलिङ गरेका उनाड्कटले २१ रन खर्चिए । उनको इकोनोमी ३.०० रह्यो । इशान मलिंगा र नितिसकुमार रेड्डीले समान दुई विकेट लिँदा हर्ष दुबेले एक विकेट लिए ।
यो जितसँगै हैदराबाद आइपिएल २०२६ मा ठूलो लक्ष्य जोगाउने पहिलो टोली बनेको छ। कोलकाता लगातार दोस्रो खेलमा हार भोगेको छ।
