२९ असार २०८०, शुक्रबार
नायिका साम्राज्ञी राज्यलक्ष्मी शाह विरुद्ध नायक भुवन केसीले ३ बर्ष अगाडि जिल्ला अदालतमा मुद्दा दायर गरे । साम्राज्ञीले आफ्नो बेइज्जत गरेको भन्दै उनले १० करोड क्षतीपूर्तीको माग गर्दै मानहानीको मुद्दा दायर गरेका थिए । तर, बुधबार जिल्ला अदालतले फैसला सुनाउँदै भुवनको दाबी नपुगेको उल्लेख गर्यो । जसकाकारण, साम्राज्ञीले भुवन विरुद्धको यो मुद्दा जितेकी छिन् ।
यसपछि, सामाजिक संजालमा भुवन केसीलाई गाली नै गाली आइरहेको छ । सामाजिक संजालमा गालीको वर्षात नै भएपछि मध्यरातमा नायिका जीया केसीले टिकटकमा लाइभ कुराकानी गर्दै दुःख व्यक्त गरिन् । यतिमात्र होइन, ४० बर्षदेखि फिल्म क्षेत्रमा काम गरेको व्यक्ति विरुद्ध यति धेरै गाली गलौज भएको देख्दा आफूलाई आत्महत्या गरौं जस्तो लागेको जीयाको भनाई छ । जीयाले भनेकी छिन्–‘भुवन केसीजीले केही पनि भन्नु भएको छैन । केही पनि गर्नु भएको छैन । केही पनि नगर्दा यति धेरै गाली गलौज खानु परेको छ । आज उहाँले गाली खानुको कारण म नै हुँ । किनकी, ड्रिम्स फिल्मकी नायिकालाई मेरै कारणले उहाँहरुले फिल्ममा लिनुभएको हो ।’
जीयाले अगाडि भनेकी छिन्–‘उहाँले बोल्दा भुवन केसीलाई केही पनि भनेको छैन भन्नुहुन्छ । तर, मेरो पहिलो फिल्मको निर्देशक भन्नुहुन्छ । यी सबै कुरा सहन नसकेर भुवन केसीले अदालतमा मुद्दा हाल्नुभएको थियो । आज मेरै कारणले भुवन केसीले गाली खाइरहनुभएको छ । यसले मलाई एकदमै दुःखी बनाएको छ । मलाई त आत्महत्या गर्छु होला जस्तो अनुभव भैरहेको छ ।’
जीयाले नायिका साम्राज्ञी राज्यलक्ष्मी शाहको नाम नलिई भनेकी छिन्–‘उहाँले के भन्न खोजेको हो ? के गर्न खोजेको हो ? मलाई एकदमै दुःख लागेको छ ।’ जीयाले भुवन केसीले ४० बर्षदेखि नेपाली फिल्म क्षेत्रमा यति धेरै योगदान दिएपनि आम मानिसहरुले यो बिर्सिएको तर्फ संकेत पनि गरेकी छिन् ।
