काठमाडौं । माधव पराजुलीको एक नम्बरमा नाम लेखेर बोलको गीत तथा भिडियो सार्वजनिक गरिएको छ । गीतमा शब्द माधव पराजुली र कृपा ढकालको रहेको छ भने आवाज माधव र शान्ति श्री परियारको रहेको छ । संगीत पनि पराजुली आफैले भर्नुभएको छ । भिडियोमा अभिनय कलाकार रुविना अधिकारी र विमल अधिकारीले गर्नुभएको छ । 

विगत ६ वर्ष देखि परिवार सहित अमेरिकामा बस्दै आउँनु भएका पराजुलीले संगीत क्षेत्रमा पनि आफ्नो रुचि भएको हुँदा संगीत यात्रालाई पनि सुरु गरिएको बताउँनुभयो । उहाँको आफ्नै युट्युब च्यानलबाट तीन दिन पहिला सार्वजनिक गरिएको गीतलाई दर्शकले निकै रुचाइरहेको छ । कृषि विषयमा पि।एच।डि गर्दै गर्नुभएका पराजुलीले संगीत यात्रालाई अब निरन्तर रुपमा अघि बढाउँने बताउँनुभयो ।