काठमाडौं । खराब लयमा रहेको म्यानचेस्टर सिटी च्याम्पियन्स लिगमा पुन: पराजित भएको छ । पेप ग्वार्डिओलाको सिटी बुधवार राति भएको खेलमा युभेन्टस सँग २-० ले पराजित भएको छ ।
टुरिनको एलियान्ज स्टाडियो डेल्ले अल्पिनमा भएको पहिलो हाफ गोलरहित बराबरी टुंगिएको थियो । ५३ औं मिनेटमा डुसान भ्लाहोभिकको गोलमा युभेन्ट्सले अग्रता लियो । वेस्टन म्याकिनीले ७५ औं मिनेटमा अर्को गोल गरेपछि युभेन्ट्सको जित निश्चित बन्यो ।
यो जितसँगै युभेन्टस ६ खेलबाट ११ अंक बटुल्दै १४औं स्थानमा उक्लिएको छ । समान खेलबाट ८ अंक जोडेको सिटी २२औं स्थानमा छ।
