२०८० असोज २६ शुक्रबार
काठमाडौँ । नेपालले लाओसविरुद्ध बराबरी गोल गरेको छ । दोस्रो हाफको ४९औं मिनेटमा अन्जन बिष्टले गोल गर्दै लाओसविरुद्ध १-१ गोलको बराबरी गरेका हुन् ।
यो गोलसँगै अन्जनले नेपालबाट सबैभन्दा धेरै गोल गर्ने खेलाडीको कीर्तिमानसँग बराबरी गरे । नेपालबाट १३औँ गोल गरेका अन्जनले हरि खड्का र निराजन रायमाझीको कीर्तिमानसँग बराबरी गरेका हुन् ।
यसअघि २०२६ को फिफा विश्वकपको छनौट अन्तर्गत एशियन जोनको पहिलो चरणको दशरथ रंगशालामा जारी खेलमा खेलको ३३औं मिनेटमा गोल गर्दै लाओसले नेपालमाथि १-० गोलको अग्रता लिएको थियो ।
दोस्रो हाफको सुरुआतमै अन्जनको गोलबाट नेपाल खेलमा फर्कियो । ४८औँ मिनेटमा एरिक विष्टको कर्नरमा अन्जनले हेडर गोल गर्दै नेपाललाई ११ हजार २३५ दर्शकमाझ खेलमा फर्काएका हुन् ।
अब छनोटको दोस्रो लेगका लागि नेपाली टिम लाओस जाने छ । छनोटको दोस्रो लेग असोज ३० गते हुने छ ।
