२०८३, मंसिर ३ गते

images
Logo

Nov 19 2026 | २०८३, मंसिर ३ गते

images
  • बिहीबार , मंसिर ३ २०८३

काठमाडौंको मेयरमा लड्ने पूर्वमन्त्री सुमना श्रेष्ठको घोषणा


सञ्चार डबली
  • बुधबार, मंसिर २ २०८३
  • 1.7K
    SHARES

  • काठमाडौंको मेयरमा लड्ने पूर्वमन्त्री सुमना श्रेष्ठको घोषणा

    काठमाडौँ । पूर्वमन्त्री सुमना श्रेष्ठले काठमाडौं महानगरपालिकाको मेयर पदमा उम्मेदवारी दिने घोषणा गरेकी छन् । उनले आगामी स्थानीय तह निर्वाचनमा काठमाडौं महानगरपालिकाको प्रमुख (मेयर पद) मा उम्मेदवारी दिने घोषणा सामाजिक सञ्जालमार्फत गरेकी हुन् ।

    उनले अहिले कुनै पार्टीबाट काठमाडौंको मेयर पदमा निर्वाचन लड्ने हुन् वा स्वतन्त्र भन्ने खुलाएकी छैनन् । श्रेष्ठले फेसबुकमा लेखेकी छन्, ‘मैले जीवन र कर्मबाट आर्जन गरेको ज्ञान, सीप, अनुभव र विज्ञता अब काठमाडौंको समृद्धि, सुशासन र रूपान्तरणका लागि समर्पित । आगामी स्थानीय निर्वाचनमा काठमाडौं महानगरपालिकाको मेयर पदमा उम्मेदवारी दिने घोषणा गर्दछु ।’

    श्रेष्ठ यसअघि राष्ट्रिय स्वतन्त्र पार्टी (रास्वपा) बाट प्रतिनिधिसभा सदस्य निर्वाचित भएकी थिइन् । उनले संघीय सरकारमा शिक्षा, विज्ञान तथा प्रविधिमन्त्रीको जिम्मेवारीसमेत सम्हालेकी थिइन् ।

    उनको घोषणासँगै आगामी स्थानीय तह निर्वाचनमा काठमाडौं महानगरपालिकाको मेयर पदका लागि उम्मेदवारी दिने विषय सार्वजनिक भएको छ । यद्यपि, उनको उम्मेदवारीसम्बन्धी थप राजनीतिक तथा निर्वाचन प्रक्रियाका विवरण भने सार्वजनिक हुन बाँकी छन् ।

    प्रतिक्रिया दिनुहोस

    images
    logo
    सामाजिक संजाल
  • © copyright 2014-2022 and all right reserved to Sanchar Dabali   |   Site By : SobizTrend