काठमाडौं । भोटेकोशी बाढीमा परी मृत्यु हुनेको संख्या १ हजार २९० पुगेको छ ।
नेपाल प्रहरीले दिएको पछिल्लो विवरणअनुसार बाढीमा परी मृत्यु भएकामध्ये ३४ जना बालक, ४५ जना बालिका, २५० जना महिला र ४२७ जना पुरुषको शव फेला परेको छ ।
यस्तै, ५३२ जनाको आंशिक अंग फेला परेको प्रहरीले जनाएको छ । अस्पतालमा उपचारका क्रममा थप २ जनाको मृत्यु भएको छ ।
प्रहरीका अनुसार अहिलेसम्म १ हजार १४३ जना मृतक र ७१९ जना आफन्तको डीएनए नमुना संकलन गरिएको छ । डीएनए परीक्षणमार्फत पहिचानको प्रक्रिया अघि बढाइएको छ ।
बाढीपछि स्वदेशी तथा विदेशी गरी अझै ४ हजार ७९८ जना बेपत्ता रहेको प्रहरीले जनाएको छ । बेपत्ताको खोजी तथा उद्धार कार्य जारी रहेको छ ।
