काठमाडौं । मुक्तिनाथ विकास बैंकले नाडा अटो शो २०२६ लाई लक्षित गर्दै विशेष अटो लोन योजना ल्याएको छ ।
बैंकले यस योजनाअन्तर्गत ५ दशमलव ५७ प्रतिशत विशेष ब्याजदरमा अटो लोन दिने जनाएको छ । यो योजना २०८३ साल भदौ मसान्तसम्म लागू हुनेछ ।
कर्जा आवेदन र आवश्यक कागजात पूरा भएको अवस्थामा बैंकले २४ घण्टाभित्र अटो लोन उपलब्ध गराउने व्यवस्था गरेको छ । यसबाट ग्राहकले नयाँ सवारी साधन खरिदका लागि छिटो र सहज रूपमा कर्जा पाउने बैंकको भनाइ छ ।
बैंकका अनुसार यो सुविधा देशभरका १७६ वटै शाखाबाट लिन सकिनेछ । नाडा अटो शो २०२६ मा सहभागी हुने तथा नयाँ सवारी साधन खरिद गर्न चाहने ग्राहकले योजनाबाट लाभ लिन सक्नेछन् ।
योजनाको अवधि सकिएपछि भने बैंकको प्रचलित सामान्य ब्याजदर लागू हुने बैंकले जनाएको छ ।
