काठमाडौं । सांग्रिला डेभलपमेन्ट बैंक लिमिटेडले आफ्ना ग्राहक र कर्मचारीलाई स्पा सेवा सहुलियतमा उपलब्ध गराउन ट्रान्क्विलिटी स्पासँग सम्झौता गरेको छ ।
सम्झौताअनुसार बैंकका कर्मचारीले व्यक्तिगत स्पा सेवामा २५ प्रतिशत र ब्युटी सेवामा १५ प्रतिशत छुट पाउनेछन् । त्यसैगरी, बैंकका ग्राहकले व्यक्तिगत स्पा सेवामा २० प्रतिशत र ब्युटी सेवामा १५ प्रतिशत छुट प्राप्त गर्नेछन् ।
सम्झौतापत्रमा बैंकका वरिष्ठ नायब महाप्रबन्धक अपूर्व प्रसाद जोशी र ट्रान्क्विलिटी स्पाकी लर्निङ एन्ड डेभलपमेन्ट म्यानेजर निर्मला भोछिभोयाले हस्ताक्षर गरेका छन् । यो सुविधा साउन २०८३ देखि दुई वर्षसम्म लागू हुनेछ ।
बैंकले यस सहकार्यबाट ग्राहक र कर्मचारीले गुणस्तरीय स्पा तथा ब्युटी सेवा कम शुल्कमा पाउने विश्वास व्यक्त गरेको छ ।
हाल सांग्रिला डेभलपमेन्ट बैंकले देशभर १०९ शाखा र ३० एटीएममार्फत सेवा दिँदै आएको छ। बैंकले आगामी दिनमा पनि आफ्ना सेवा र सुविधालाई थप विस्तार गर्दै लैजाने जनाएको छ ।
