काठमाडौं । सिरहाको गोलबजारमा प्रहरीको गोली लागेर ज्यान गुमाएका १५ वर्षीय गणेश यादवको परिवारलाई औरही गाउँपालिकाले राहतस्वरूप १० लाख रूपैयाँ उपलब्ध गराउने भएको छ ।
गाउँपालिकाले शुक्रबार सूचना जारी गर्दै मृतक गणेश यादवका परिवारलाई राहत रकम प्रदान गर्ने बताएको हो ।
औरही गाउँपालिका-२, तुलसीपुर-मोतिपुर निवासी गणेशको गोलबजारमा प्रदर्शनका क्रममा गोली लागेर मृत्यु भएको थियो ।
