काठमाडौं । सत्तारुढ राष्ट्रिय स्वतन्त्र पार्टी (रास्वपा) का सभापति रवि लामिछानेले धार्मिक क्षेत्रका अगुवाहरुसँग छलफल गरेका छन् ।
सुनसरी लगायत तराईका जिल्लाहरुमा धार्मिक समुदायबिच तिक्तता बढेपछि रविले सामाजिक सद्भावका लागि अगुवाहरुसँग भेटघाट गरेका हुन् ।
सिंहदरबारस्थित रास्वपा संसदीय दलको कार्यालयमा रविसहित मुस्लिम समुदायबाट मौलाना नरुल हुसेन र मौलाना मोहम्मद खालिद तथा विश्व हिन्दू महासंघका महासचिव रामचन्द्र तिवारी र सचिवालय सदस्य राजुराज फुयालसँग एकसाथ छलफल गरेका हुन् ।
धार्मिक अगुवाहरुसँग सुनसरी, सिरहा लगायतका जिल्लाहरुमा भइरहेको तिक्ततालाई रोक्न सामूहिक सद्भावको अपिल जारी गर्ने तयारी गरिएको छ ।
त्यसो त रविले यसअघि कोशी र मधेश प्रदेशका सांसदसहित अन्य पक्षहरुसँग समेत छलफल गरेका छन् ।
