काठमाडौं । भाटभटेनीको पोखरा स्टोर पुनः सञ्चालनमा आएको छ । भदौ २४ मा भएको जेनजी विद्रोहका क्रममा आगजनी गरेर पूर्णरुपमा ध्वस्त पारिएको भाटभटेनीको पोखरास्थित स्टोर आजैदेखि दैनिक रूपमा बिहान १०:०० बजे देखि नियमित सञ्चालनमा आएको भाटभटेनी सुपर मार्केटका प्रमुख संचालन अधिकृत पानू पौडेलले जानकारी दिनुभयो ।
भाटभटेनीका अध्यक्ष तथा प्रबन्ध निर्देशक मीनबहादुर गुरुङले आगजनीले ध्वस्त भएको भवन पुनःनिर्माण गरेर पुरानै अवस्थामा सञ्चालनमा ल्याइएको जानकारी दिए । ग्राहकहरूको सुविधालाई मध्यनजर गर्दै आधुनिक सुविधा तथा गुणस्तरीय सेवा उपलब्ध गराउने हाम्रो प्रतिबद्धता सहित विधिवत् रुपमा आजैदेखि सञ्चालनमा ल्याइएको उनले जानकारी दिए ।
यसअघि कोटेश्वर, महाराजगन्ज र चितवनस्थित स्टोर पनि पुनः सञ्चालनमा ल्याइएको थियो । भदौ २४ मा भएको आगजनीका क्रममा भाटभटेनीका दर्जन बढी स्टोरमा आगजनी र लुटपाट गरिएको थियो ।
