काठमाडौं । कुपर कोनोलीको अर्धशतक प्रेरित पञ्जाव किंग्सले इन्डियन प्रिमियर लिग (आईपीएल) २०२६ मा विजयी सुरुआत गरेको छ । पञ्जाब किंग्सले गुजरात टाइटन्सविरुद्ध तीन विकेटको जित निकालेको हो ।
पञ्जावले पहिलो खेलमै जित निकाल्दै तालिकामा दुई अंक जोडेको छ । भारतको चण्डिगढस्थित महाराजा यादाविन्द्र सिंह अन्तर्राष्ट्रिय क्रिकेट रंगशालामा खेल भएको थियो । जहाँ पञ्जावले १६३ रनको लक्ष्य १९.१ ओभरमा सात विकेट गुमाएर पुरा गर्यो ।
पञ्जावको जितमा कुपर कोनोलीले ७२ रनको अर्धशतकीय इनिङ खेले । ४४ बल खेलेका कोनोलीले समान पाँच चौका र छक्का प्रहार गरे । पबसिम्रन सिंहले ३७ रन बनाए । कप्तान श्रेयस अइयरले १८ रन बनाउँदा जेभियर बार्टलेटले ११ रन बनाए ।
गुजरातका प्रसिद्ध कृष्णाले तीन विकेट लिए । कागिसो रबाडा, अशोक शर्मा, राशिद खान र वासिंगटन सुन्दरले समान एक विकेट लिए । त्यसअघि पहिलो इनिङमा टस हारेर ब्याटिङमा आएको गुजरातले निर्धारित २० ओभरमा सबै विकेट गुमाएर १६२ रनको योगफल खडा गरेको थियो ।
गुजरातका कप्तान सुभमन गिलले ३९ रन बनाए । जस बट्लरले ३८ रन जोडे । ग्लेन फिलिप्सले २५, वासिंगटन सुन्दरले १८, ओपनर साई सुदर्शनले १३ र अविजित रहेका राहुल तेवाटियाले समान ११ रन बनाए ।
पञ्जावका विजयशंकर बस्कले तीन विकेट लिए । युजवेन्द्र चहलले दुई विकेट लिँदा मार्काे जानसेनले एक विकेट लिए ।
