काठमाडौं । नेपाल प्रिमियर लिग (एनपीएल)मा काठमाण्डू गोर्खाजले लुम्बिनी लायन्सविरुद्ध २२ रनको जित निकालेको छ ।मंगलबार कीर्तिपुरस्थित त्रिवि क्रिकेट स्टेडियममा लुम्बिनीका कप्तान रोहित पौडेलले टस जितेर पहिले फिल्डिङ रोजे।
पहिले ब्याटिङ गरेको काठमाडौंले २० ओभरमा ८ विकेट गुमाउँदै १ सय ५७ रन बनायो। काठमाण्डूले प्रस्तुत गरेको १५८ रनको लक्ष्य पछ्याउने क्रममा लुम्बिनीले १९.१ ओभरमा सबै विकेट गुमाएर १३५ रनमात्र बनाउन सक्यो ।
लुम्बिनीका लागि शेर मल्लले सर्वाधिक २७ रनको योगदान दिए । त्यस्तै दिलिप नाथले २५ रन बनाउँदा ड्रेसी सर्टले २२ रन जोडे । लुम्बिनीका कप्तान रोहित कुमार पौडेल र गुल्बदिन नइबले ११–११ रनको योगदान गरे ।
