काठमाडौं । डाबर नेपाल दोस्रो संस्करणको नेपाल प्रिमियर लिग (एनपीएल) मा सुदूरपश्चिम रोयल्सको ‘एसोसियट’ प्रायोजक बनेको छ ।
डाबर नेपाल र सुदूरपश्चिम रोयल्सबीच बुधबार काठमाडौंमा औपचारिक सम्झौता भएको हो । यसअन्तर्गत डाबर रेड पेस्ट र डाबर हनी ब्रान्डहरू सुदूरपश्चिम रोयल्सलाई समर्थन गर्दै जोडिने छन् ।
सम्झौतापछि डाबर नेपालका मार्केटिङ प्रमुख अभय गोर्खालीले भने, “यो साझेदारीले एनपीएलको शीर्ष टोलीमध्ये एक सुदूरपश्चिम रोयल्सलाई नेपालको नम्बर १ टूथपेस्ट ब्रान्ड डाबर रेड पेस्ट तथा विश्वको नम्बर १ हनी ब्रान्ड डाबर हनीसँग जोडेको छ । हामी क्रिकेटको उत्साह र लाखौं नेपाली उपभोक्ताको विश्वासलाई सम्मान गर्दै एनपीएलको रोमाञ्चक सिजनको प्रतिक्षामा छौं ।”
यता, सुदूरपश्चिम रोयल्सका सीईओ प्रकाश खड्काले भने, “डाबर जस्तो प्रतिष्ठित ब्रान्ड हाम्रो टोलीसँग जोडिनु ठूलो उपलब्धि हो । यस सम्झौताले टोलीमा थप ऊर्जा र उत्साह भरेको छ ।”
