काठमाडौं । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार आज काउली, फर्सीलगायतका तरकारीको भाउ बढेको छ । आज रायोको साग, तराई काउली र स्थानीय काउलीको भाउ बढेर प्रतिकेजी १२ रुपैयाँ ३३ पैसा, ज्यापु काउली १७ रुपैयाँ ६७ पैसा पुगेको छ ।
यसैगरी डल्लो भन्टा प्रतिकेजी ४५ रुपैयाँ, हरियो फर्सी १५ रुपैयाँ, बुलेट खुर्सानी ८५ रुपैयाँ र भेडे खुर्सानी ६५ रुपैयाँ कायम गरिएको छ । त्यस्तै, ठुलो गोलभेडा (भारतीय) प्रतिकेजी ६५ रुपैयाँ, सानो गोलभेडा २२ रुपैयाँ ६७ पैसा, रातो आलु ३४ रुपैयाँ, रातो आलु (भारतीय) ३२ रुपैयाँ, सुकेको प्याज ६४ रुपैयाँ, लोकल गाजर ३५ रुपैयाँ, तराई गाजर २५ रुपैयाँ र लोकल बन्दा १५ रुपैयाँ पर्नेछ ।
