२०८३, मंसिर ३ गते

images
Logo

Nov 19 2026 | २०८३, मंसिर ३ गते

images
  • बिहीबार , मंसिर ३ २०८३

पूर्वाधार विकास मन्त्रालयका सात जना इन्जिनियर बर्खास्त


सञ्चार डबली
  • बुधबार, मंसिर २ २०८३
  • 1.3K
    SHARES

  • पूर्वाधार विकास मन्त्रालयका सात जना इन्जिनियर बर्खास्त

    काठमाडौं । पूर्वाधार विकास मन्त्रालयले सात जना इन्जिनियरलाई सरकारी सेवाबाट हटाएको छ । मन्त्रालयले २०८३ कात्तिक २० गतेको निर्णयअनुसार उनीहरूलाई भविष्यमा सरकारी सेवाका निम्ति अयोग्य नठहरिने गरी सेवाबाट हटाएको हो ।

    कार्यालयमा अनुपस्थित भएको तथा स्वीकृतिबिना बिदामा बसेको कसुरमा नेपाल इन्जिनियरिङ सेवा, सिभिल इन्जिनियरिङ समूह, बिल्डिङ एन्ड आर्किटेक्ट उपसमूहका राजपत्रांकित तृतीय श्रेणीका सात जना इन्जिनियरलाई सेवाबाट हटाइएको आज प्रकाशित सूचनामा उल्लेख छ ।

    सेवाबाट हटाइएकामध्ये ६ जना कार्यालयमा हाजिर नभएको र एक जना स्वीकृत नगराई बिदामा बसेको कसुरमा कारबाहीमा परेको जनाइएको छ ।

    कार्यालयमा हाजिर नभएको कसुरमा सेवाबाट हटाइएकामा सृष्टि भुषाल, सम्योग श्रेष्ठ, आस्था आचार्य, पुजन न्यौपाने, नरेश थापा र रमेश प्रसाद पौडेल छन् । त्यस्तै, स्वीकृत नगराई बिदामा बसेको कसुरमा पदमेन्द्रप्रसाद श्रेष्ठलाई पनि सेवाबाट हटाइएको सूचनामा उल्लेख छ ।

    प्रतिक्रिया दिनुहोस

    images
    logo
    सामाजिक संजाल
  • © copyright 2014-2022 and all right reserved to Sanchar Dabali   |   Site By : SobizTrend