काठमाडौं । रिलायन्स स्पिनिङ मिल्स लिमिटेडले भोटेकोशी बाढी प्रभावितको सहयोगका लागि नेपाल सरकारलाई १ करोड रुपैयाँ दिएको छ ।
कम्पनीका प्रबन्ध निर्देशक अक्षय गोल्याण र निर्देशक सशिकान्त अग्रवालले सोमबार अर्थमन्त्री डा.स्वर्णिम वाग्लेलाई १ करोड रुपैयाँको चेक हस्तान्तरण गरेका हुन् । उक्त रकम प्रधानमन्त्री दैवी प्रकोप उद्धार कोषमा जम्मा गरिनेछ ।
कम्पनीले प्राकृतिक विपत्तिका बेला नागरिक र सरकारलाई सहयोग गर्ने सामाजिक उत्तरदायित्वअन्तर्गत रकम प्रदान गरेको जनाएको छ ।
गोल्याण ग्रुपअन्तर्गतको रिलायन्स स्पिनिङ मिल्स नेपालको प्रमुख धागो उत्पादक कम्पनी हो । कम्पनीले सुनसरीको दुहबी र खनारमा उद्योग सञ्चालन गर्दै आएको छ ।
भदौ १० गते भोटेकोशी नदीमा आएको बाढीले रसुवा, नुवाकोट, चितवन, गोरखालगायत जिल्लामा ठूलो जनधनको क्षति गरेको छ । सोमबारसम्म ९ सय ३ जनाको शव फेला परेको छ भने करिब ४ हजार जना अझै बेपत्ता छन् ।
