काठमाडौं । रसुवामा बाढी पहिरोले ठूलो विध्वंस गरेपछि सरकारी संयन्त्रहरू सक्रिय बनेका छन् । नेपाली सेना, सशस्त्र प्रहरी र नेपाल प्रहरी एकसाथ परिचालित भएर उद्धारमा जुटेका हुन् ।
विपद् व्यवस्थापन प्राधिकरण पनि सक्रिय बनेको छ । सम्भावित उद्धार तथा राहत कार्यका लागि सबै हेलिकप्टरहरूलाई स्ट्यान्डबाइमा राख्न भनिएको छ ।
तल्लो तटीय क्षेत्रका बासिन्दाहरूलाई तत्काल सुरक्षित स्थानमा स्थानान्तरण गर्न सम्बन्धित सीडीओलाई निर्देशन दिइएको छ ।
