काठमाडौं । दिपल निभो क्यू०५ ले ‘अन्तर्राष्ट्रिय गोल्डेन ए डिजाइन अवार्डश’ जितेको छ ।
आधुनिक डिजाइन, प्राविधिक उत्कृष्टता र प्रयोगकर्तालाई उपयोगी अनुभव दिने क्षमताका आधारमा निभो क्यू०५ यो सम्मानका लागि छनोट भएको हो ।
दिपल निभो क्यू०५ को डिजाइन चांगान ग्लोबल डिजाइन सेन्टर ले तयार गरेको हो । यसले स्मार्ट प्रविधि र वातावरणमैत्री (न्यून कार्बन) सवारी निर्माण गर्ने चांगानको लक्ष्यलाई पनि प्रतिबिम्बित गर्छ ।
कम्पनीका अनुसार निभो ब्रान्डलाई परिवारका लागि स्मार्ट र सहज एसयूभीका रूपमा विकास गरिएको हो । यसमा पर्याप्त ठाउँ, आधुनिक प्रविधि, आरामदायी यात्रा, राम्रो रेन्ज र सहज चार्जिङ सुविधा उपलब्ध गराइएको छ ।
चांगानले १६३ वर्षको औद्योगिक इतिहास र ४१ वर्षको कार उत्पादन अनुभवका आधारमा विश्व बजारमा आफ्नो उपस्थिति विस्तार गरिरहेको जनाएको छ ।
दिपल निभो क्यू०५ नेपालमा हुने नाडा अटो शो मा पहिलोपटक सार्वजनिक गरिनेछ ।
