काठमाडौ । ब्रिटिस काउन्सिल नेपालले ग्लोवल च्यानल पार्टनर क्याम्पेन २०२५ अन्तर्गत नेपालमा आइइएलटिएसका लागि महत्वपूर्ण योगदान गरेका साझेदारहरुलाई सम्मान गर्दै ५ फेब्रुअरी २०२६ मा उनीहरुको सहभागितामा उत्कृष्ट साझेदारको घोषणा समारोह सफलतापूर्वक आयोजना गरेको छ ।

नेपालमा आइइएलटिएस प्रवद्र्धन गर्न गरिएको साझेदारी र कार्यसम्पादनका लागि उत्कृष्ट योगदान गरेका साझेदार संस्थाहरुलाई सम्मान गर्न आयोजित समारोहमा अग्रणी शैक्षिक परामर्श संस्था (कन्सल्टेन्सी) र सम्वन्धित क्षेत्रका प्रतिनिधिहरु सहभागी भएका थिए । सो समारोहमा नेपाली युवा विद्यार्थी र व्यवसायिक व्यक्तिलाई अन्तर्राष्ट्रिय स्तरको शिक्षा र करिअर विकासको अवसर दिलाउन ब्रिटिस काउन्सिल नेपालले गरेका विभिन्न कार्यका उपलव्धिलाई उत्सवको रुपमा मनाइएको थियो ।

१ अगस्ट २०२५ देखि ३१ जनवरी २०२६ सम्म सञ्चालित अभियानका क्रममा योगदान गरेका उत्कृष्ट १० साझेदारलाई सम्मान गरिएको छ ।

ब्रिटिस काउन्सिलको आइइएलटिएस पार्टनर समिट २०२५ का अवसरमा ग्लोवल च्यानल पार्टनर क्याम्पेन २०२५ को औपचारिक घोषणा गरिएको थियो । राष्ट्रिय र अन्तर्राष्ट्रिय मान्यता दिने उद्देश्यसहित अभियानले नेपालस्थित हाम्रा साझेदारको उत्कृष्ट योगदानलाई कदर गर्ने लक्ष्य राखेको छ ।

लन्डनमा गरिने विश्वव्यापी सम्मान

आगामी मार्च २३ देखि २७ सम्म लन्डनमा आयोजना हुन लागेको ग्लोवल च्यानल पार्टनर मिट–अप र अवार्ड समारोहमा विश्वभरका उत्कृष्ट साझेदारसहित नेपालबाट चयन भएका विजेतालाई सम्मान गरिनेछ । लन्डनमा हुने समारोहमा विश्वव्यापी सम्मान प्राप्त गर्ने नेपाली साझेदार संस्थाहरु निम्न अनुसार छन् :

उत्कृष्ट कार्यसम्पादन गर्ने साझेदारको सम्मान

विश्वव्यापी अवार्ड विजेता बाहेक ब्रिटिस काउन्सिल नेपालले ग्लोवल च्यानल पार्टनर क्याम्पेन २०२५ अन्तर्गत निम्न लिखित उत्कृष्ट संस्थाहरुलाई सम्मान गरेको छ । 

समारोहमा बोल्दै ब्रिटिस काउन्सिल नेपालकी परीक्षासम्बन्धी राष्ट्रिय निर्देशक प्रतिष्ठा थापा रायमाझीले भन्नुभयो–“ब्रिटिस काउन्सिलको आइइएलटिएसप्रति इमान्दारिता, गुणस्तरियता र प्रतिवद्धतासहित निरन्तर रुपमा योगदान गरेका साझेदार संस्थाहरुलाई सम्मान गरिरहँदा ग्लोवल च्यानल पार्टनर क्याम्पेनले आइइएलटिएस सञ्चालनका लागि तय भएका उच्च मापदण्डलाई कायम राख्ने हाम्रो संस्थागत प्रतिवद्धतालाई प्रतिविम्वित गरेको छ । यस अभियानमा सम्मानित हाम्रा साझेदार संस्थाहरुले आइइएलटिएसको परीक्षामा विश्वव्यापी मापदण्ड कायम राख्न उत्कृष्ट कार्य गरेका छन् । उनीहरुको सम्मानबाट नेपालमा आइइएलटिएसका साझेदारहरुको सञ्जालका सबल पक्ष र उत्कृष्ट कार्य गर्ने हाम्रो संयुक्त प्रतिवद्धतालाई उजागर गरेको छ ।”

बिजनेश डेभल्पमेन्ट प्रमुख सुदर्शन सुवेदीले भन्नुभयो–“ हाम्रा साझेदार संस्थाहरुले आइइएलटिएसको पहुँच विस्तार र अन्र्तराष्ट्रिय शिक्षाप्रति नेपालको अभिलाषा र चाहनालाई सहयोग गर्न महत्वपूर्ण योगदान गरेका छन् । ग्लोवल च्यानल पार्टनर क्याम्पेन २०२५ मार्फत् हामीले कार्यसम्पादनलाई अन्र्तराष्ट्रिय पहुँचसँग जोडेका छौं । आज सम्मानित साझेदार संस्थाहरुले लन्डनमा आयोजना हुने ब्रिटिस काउन्सिलको ग्लोवल अवार्ड समारोहमा विश्वका अन्य उत्कृष्ट साझेदार संस्थासँगै सहभागिता जनाउनेछन् । साथै, त्यहाँ विश्वविद्यालय र आइइएलटिएससम्बन्धी ब्रिटिस काउन्सिलको टोलीसँग आपसी संवादसहित एक साता लामो कार्यक्रममा सहभागी हुने अवसर प्राप्त गर्नेछन् । यसबाट हाम्रा साझेदार संस्थाको क्षमता वृद्धि गर्न, विश्वका विभिन्न देशमा भएका असल अभ्यास आपसमा आदान–प्रदान गर्न र आगामी दिनमा नेपालमा आइइएलटिएस सञ्चालनलाई थप प्रभावकारी बनाउन सहयोग पुग्नेछ ।

ब्रिटिस काउन्सिलको आइइएलटिएसबारे

अन्र्तराष्ट्रिय अंग्रेजी भाषा परीक्षण प्रणाली (आइइएलटिएस) उच्च शिक्षा र विश्वव्यापी आप्रवासनका लागि विश्वको सबैभन्दा लोकप्रिय अंग्रेजी भाषाको दक्षता जाँच गर्ने प्रणाली हो । विश्वव्यापी रुपमा १२ हजार भन्दा बढी संस्थाले यसलाई मान्यता दिएका छन् । आइइएलटिसलाई मान्यता दिने संस्थाभित्र शैक्षिक संस्था, रोजगारदाता, सरकारी र व्यवसायिक संस्था र निकाय लगायत छन् । ब्रिटिस काउन्सिल र आइडीपी आइइएलटिएस र क्याम्ब्रिज एसेसमेन्ट इङलिसले संयुक्त रुपमा सञ्चालन गरिरहेका छन् । थप जानकारीका लागिः www.ielts.org

ब्रिटिस काउन्सिलबारे

ब्रिटिस काउन्सिल संयुक्त अधिराज्य (युके) को साँस्कृतिक र शैक्षिक गतिविधिका लागि क्रियाशील अन्र्तराष्ट्रिय संस्था हो । ब्रिटिस काउन्सिलले संयुक्त अधिराज्य र अन्य देशका नागरिकबीच सम्वन्ध विस्तार गर्दै, एक–अर्काको बुझाइलाई परिस्कृत गर्दै तथा आपसी विश्वास र भरोसा निर्माण गर्दै शान्ति र समृद्धिका लागि सहयोग गर्दछ । उक्त कार्य हामीले कला, संस्कृति, शिक्षा र अंग्रेजी भाषासम्बन्धी कार्यक्रममार्फत गरिरहेका छौं । हामी २ सय भन्दा बढी मुलुुक र भूूभागका नागरिकसँग काम गर्छौं । सन् २०२४–२०२५ मा ब्रिटिस काउन्सिल ६०० मिलियन व्यक्तिसमक्ष पुुगेको छ ।

कुनै जिज्ञासा भए हामीलाई general.enquiry@britishcouncil.org.np वा ९७७–१–४२३७७०० मा सम्पर्क गर्न सक्नुहुन्छ ।